عندما تشعر بقمة الضياع وانت فى قمة السعادة

افكار كثيرة تغزو عقلى

لا اعلم الى اين سوف تقودنى

لا اريد التفكير

لا اريد ان اكون سبب فى تعاسة احد

ولا ان اكون سبب سعادته وانا اتعذب

كل ما اردته هو ان استمر كما انا

اعيش واتنفس بحب كل من حولى

اعيش تجاربهم وكأنها لى.. اسعد فى لحظات سعادتهم... واشقى معهم

لكن لا تأتى الرياح بما تشتهى السفن

فأنا لا اعيش وحدى فى هذة الدنيا .. معى من لهم حقوق علي

يروا ان من ابسط حقوقهم ان اتنازل انا عن حقى فى الهدوء النفسى وان ارغم نفسى على الدخول فيما لم افكر فيه من قبل

سعيدة؟؟؟؟!!!!!!!!!!!!!

لا اعلم ما امر به الان هو شعور بالسعادة ام بالرعب الشديد

شتان ما بينهما

لا اريد الفشل ولا اتصوره

ولا اشعر الا بشئ واحد.... انى اسير اليه ببطء شديد

ولكنه ات لا محالة

رغبة شديدة فى ان الجأ الى ربى.. وخوف شديد من مجرد التفكير

الهى من لى سواك الان يشعر بما فى داخلى

لا تكلنى الى نفسى طرفة عين

ولا توكل عليا من لا يخافك ولا يرحمنى

كن معى يارب

عندما تعيش اجمل لحظات حياتك

انا كنت هنا.... اه والله كنت هنا

ده انا كمان كنت تحت مع الناس دى كلها

وانا كمان اللى مصورة الصور دى بأديا

ياااااااااااااااااااااااااااه

احلى حاجة فى الدنيا لما تحس انك من الصفوة

اه صفوة

مش ربنا اختارنى من بين مليارات المسلمين اللى على وجه الارض وفى التوقيت ده عشان ازور بيته الحرام واعمل عمرة

ابقى صفوة ولا لأ؟؟؟

انا دى

امام احلى بقاع الدنيا... المسجد النبوى الشريف

مكان حسيت فيه براحة غريبة عمرى ماحاسيتها فى اى مكان على وجه الارض

بيت الله ومدفن رسول الله صلى الله عليه وسلم

اجمل ايام قضيتها فى حياتى بجد

عمرى ماكنت اتخيل انى ممكن ابقى مبسوطة هناك

وبجد فعلا منغير ماامثل انا ماكنتش متحمسة قوى

وكنت رايحة مش متخيلة الموضوع غير انه اللى بنشوفه فى التليفزيون وبس

لكن فعلا احساس غريب قوى امتلكنى من اول ماركبت هوا انى عايزة اوصل للمكان ده باى تمن

وكل مااقول لحد من اللى معايا وراح قبل كده انا تعبت والطريق طويل

يقولى هتنسى كل تعبك اول ماتلمحى الكعبة

وبرضه ماكنتش مصدقة

سبحان الله .... كريم قوى ورحيم بعباده

بس تاخد الخطوة الاولى وهوا فعلا بيعينك بمقدرته وبما لا يمكن ان تتخيل لتكتمل الطاعة

ياااااااااااارب كل اللى راح يروح تانى

ويااااااااااااااااااااااااااااارب ارزق كل اللى لسه مارحش واكتبله زيارة بيتك الشريف

(وانا قبلهم)

قولو امييييييييييييييييييييييييييييييييييييييييين