اولا.......السلام عليكم ورحمة الله
بصراحة ملقتش حاجة انكد من كده تكون بداية ليا فى اول بوست اكتبه اللى يمكن ماحدش يقراه غيرى.....بس اهى كلها فضفضة
>>>>>الامتحانات<<<<<<
شبح...اه شبح فعلا بس شبح بمواصفات مختلفة شوية عند كل واحد..ء
ساعات يبقى رعب وخوف من المجهول(ورقة الاسئلة)وساعات من الدكتور نفسه
وساعات يبقى تأنيب ضمير
وساعات يبقى ارهاق وقلق
وساعات وساعات...... اشكال كتير قوى ليه تختلف من واحد للتانى بس فى النهاية...
تعددت الاسباب والموت واحد
وبما انى على وش امتحانات ومش زى اى سنة لأ ده بكالوريوس يعنى مشروع تخرج وعملى ونظرى وصداع ودكاترة ولاد حلااااااااال...... وفوق ده كله تأنيب ضمير على الناس الغلابة-ماما وبابا- اللى عندهم امل يشفونى رئيسة جمهورية......(لا تعليق)ماعلينا
ربنا يستر علينا جميعا اللى لسه بيمتحن واللى خلص امتحانات الدراسة ودخل فى امتحانات الحياة وربنا يوفق كل واحد للى بيتمناه
