عنك قليلا

انت عارف ان دى اول مرة اقعد مع نفسى وافكر فيك قوى قوى

انا كتير طبعا بفكر فيك بس اول مرة اتخيل حياتى قد ايه هتبقى حلوة طول مانت فيها





مرة قريت واحدة كاتبة 27 ميزة فى حبيبها وقعدت اضحك واقول فاضية


بس بجد حاسة انى نفسى اقول كل اللى بحبه فيك بالتفصيل من غير ما اجمعه فى كلمة واحدة
بحب عنيك... بصتك ليا بحبها قوى
ساعات بتقولى ..معجب بيكى قوى
وساعات بتقولى .. فخور انك معايا
وساعات بتقول اتلمى يابت ماتتمايصيش قدام الناس
وساعات بتقول انتى حبيبة بابا ودلعوته بس اسمعى الكلام
وساعات وساعات... بجد بحبها قوى
بحب دلعك عليا... اينعم انت مش بتحبنى اقولك كده بس بجد بحبك قوى لما بتقعد تدلع عليا وتلف وتدور عشان اسمع كلامك

بحب احتياجك ليا... وانك دايما تحسسنى بكده
بحبك قوى لما بكون اميرتك مش خطيبتك ولا حبيبتك
بحب قوى انك مش بتقدر على زعلى حتى لو انت اللى زعلان
بحب انك فاهمنى قوى ومحترمنى حتى لو تفكيرى غيرك شويتين تلاتة
بحب القلق اللى فى صوتك اول ما اكح وانا بكلمك او اقول اه
بحبك لما اتاوب وانا بكلمك وتدلعنى... 

بحب لما تشجعنى واتقولى انك هتعمل معايا كا حاجة فى بيتنا ومش هتسبنى لوحدى
بحب اننا صحاب وبتحكيلى عن كل حاجاتك _مع انك بطلت تحكى شوية حاجات
بحب قوى ان مالكش صاحب غيرى
بحبك لما تلبس طقم جديد وتجرى عليا توريهولى وتاخد رأيى

بحب اهتمامك بحاجاتى واهتماماتى
بحب انك مابتصدق انى اطلب منك حاجة ... من الاخر اقدر اعتمد عليك
بحب كرمك فى مشاعرك معايا وعمرك ماكنت بخيل ولا بالقطارة
احن راجل فى الدنيا ومابتستحملش عليا الهوا
بجد بجد لو عدى عليا يوم منغير ما اسمع صوتك ولا اشوفك بيبقى يوم ابيض واسود
من الاخر انت ملون حياتى بالالوان الطبيعية

عندما تعجز كلماتى عن وصف ما بداخلى اعلم ان ما احمله جبال ثقيلة تعجز اصابعى عن حمله

احلم لو ان حياتى كانت بلمسة زر... مجرد ضغطة بسيطة تنهى كل ما يؤلمنى

مجرد لمسة تعيد ماكان يسعدنى

مجرد لمسة ترسم ما بداخلى

احلم بسعادة لم اعد اتذكر كيف هو احساسها

ا احلم بنفسى الصافية التى لا تجهدنى

احلم بأيام مضت على يقين تام انها ولت ولن تعود

اكره شعور التصنع... اكره ان اكون غيرى

كل ما اعرفه اننى اكره ما انا فيه الان

اكره ما وصلت اليه

فقط لا استطيع التفكير