ببساطة ... اول عهدها بالاحلام

اول خطوات فى عالم الخيال 

تجربة رائعة بكل تفاصيلها ولا تعلم كيف لم تمر بها من قبل

كيف لم تكن تحلم ؟؟

نظرات عديدة .. وجوه كثيرة .. ولكن

نظرة واحدة من عين واحدة تكفى ...

تمنحنها الدنيا وما فيها

هيا ضاقت فاجأة ليه ؟!

ضيقة مافيهاش براح

ايه اللى جد يعنى .. يمكن عشان مش مرتاح !!

بس ضاقت قوى فى عينى والضيق حكم على قلبى ما يضحكشى

هوا شال الهم ليه

هوا فين راحت ضحكته 

هوا ليه مش عارف يصدق ان فىه فرح جاى

هوا ليه حاسس انه حتى مش هيفرح

طب هيا ليه ضاقت قوى ؟

يمكن عشان انا زعلان :( 

ومن يريد يوما ان يعرف ما سيأتى ؟

حقيقة واحدة يتفق عليها جميع البشر . حلم معرفة ما سيحدث

الانتظار مرض بشرى وراثى يتناقل عبر العصور

لا احد يمل الانتظار ولا احد يكف عنه

ننتظر دائما ما سيحدث وماسيأتى وما سنكتشفه مع الايام

نحلم دائما ان ما سيأتى افضل وفى الغالب لن يحدث

دائما الماضى كان اجمل وما فات لن يأتى مثله

ايامك الماضية بكل تفاصيلها تجول بخاطرك املا فى افساد ما تعيش

وغدك سيصبح يومك وبعدها ماضيك .. سيمر وانت تنظر الى جمال مافات وتنتظر ان يأتى الحاضر مثله 

ولا يأتى ... ولن يأتى

حتى وان كنت اتعثر فى الكلمات .. سأظل ابحث عن ذاتى بداخلها

وها انا .... اعود الى نفسى متأخرة بعض الشئ

ولكنى قد عدت

قبل فوات الاوان احاول البحث فيك عن ذاتى فلا اجده

انت انت وانعكاسك انت 

رائع ان كان ام سئ فهو انت ... وليس لى وجود داخله

لحظات قليلة .. كلمات قليلة .. كلها اشياء قد تفرق فى عمر الانسان وتغير مجرى ما يسير حوله

رحمة الله على من كان يوما يفنى نفسه لاسعادى

وجود نادر

يكاد يكون درب من الاحلام والاساطير

يجعلنى انا قبل اى شئ .. قبل نفسه

ليس بالكلمات فحسب ولكن افعاله كانت تتكلم عنه دائما

حلم لم يعش فيه سواى ولم يشعر به غيرى

كان رائعا فى كل تفصيله 

فى كل خلجة خوف فى صوته

فى كل نقطة اهتمام تخرج من قلبه

فى كل حزن شعر بيه وكان يغمرنى رغمه بالحنان

فى كل حزن شعرت بيه وكان يزيله عن قلبى مهما كلفه الامر

رحمة الله عليك فى مرقدك

اكرمك الله فى اخرتك كما اكرمتنى فى دنياى

ورزق قلبى الصبر

عارف لما فيوم تتمنى تكون اقرب لاكتر حد حاسه بيفهمك
بيبقى احساس جميل لما تتخيله

 
اتخيلت ؟ فرحت ؟
جرب بقى تقرب وتجرب
اتكلم عن نفسك حبة واحكيله بتحس بايه

 
اوعى تتوجع لو لقيته بيقول احساسك مش صح انت مش فاهم انا شايف ابعد منك انا ادرى منك بيك
انا اللى بحس وعارف وكنت وهكون احسن من التانيين

ده انت لسه مكملتش ! لسه ماقولتش!
تلاقيه مش فاهمك .. بيرد ويتكلم عن نفسه
وبيقول برضه اللى فى نفسه
بيعيد حوارات ياما قالها ويقولك افهمنى انت

 
ماهو اصل الكلام يا عم كان منى ... بفضفض ليك منى
مكتش عايز اكتر من ليه بتقول كده
انا زعلتك ؟ طب جيت عليك؟
حقك عليا واتطمن ..ودايما قول ماتخبيش
هسمعك لو ايه تقول .. هسمع عنيك  ,ماتحكيش

اتعشمت بحاجات جميلة يقولها عنك غير انه يكون بيحبك
الحب حالته هوا واحساس بتاعه
انما انت محتاج حاجة ليك
عنك وفيك

عارف يعنى ايه تكون كبير عند حد ؟
معرفش جربته عشان تفهمنى ولا لأ
بس معناه كبير قوى اكبر من كلمتين حب وحلفانات

فجأة يتكلم عن نفسه عن حلمه عن فرحه عن كل حاجاته عن اللى بيضحى بيه وعن كل اللى عايزك تعمليه
عن كلمة قولتيها قصدك فضفضة  .. لأ ده مش مكانها مكنش المفروض تتقال !
وكلام يتقال بغرض الخوف يترد عليه بواجبات وظروف !

حسانى مش عارفاك ..
ولو عارفاك وكنت كده يبقى عمرى ماكنت فاهماك
العشرة مش كلمتين قصص عنه يحكيها
العشرة والعمر حياة تتعاش بكل اللى فيها

ولما قولت بتبّقى نفسك عليا للاسف كنت صح
هفضل ناقصنى انى احس بحاجة اتسند عليها غير نفسى
غير قوتى انا
وانسى حلم انك تكون سندى , قوتى .. ابويا اللى يشوفنى بنته
طفلة يشوفها فرحة لا يمكن يأذيها .. ولو على موته
وده مش موجود ..
عشان مكنش حقيقى