الله يمسيك بالخير يا محمد يا منير
امبارح كان عمرى عشرين.... والنهاردة بقوا واحد وعشرين بالتمام والكمال
وعلى رأى ماما بلغت سن الرشد
الحمد لله كانت سنين حلوة ومعدش عليا فيها شئ سئ يذكر الا موت ناس كانوا غاليين عليا
نفسى بجد فى هدية..... بس مش زى كل الهدايا اللى بتجيلى كل سنة
انا نفسى فى هدية بجد.....دعوة حلوة من كل حد يعدى هنا .... دعوة ليا انى اكون اقرب لربنا وانا ببدأ سنة جديدة من عمرى..... دعوة انى احقق لامى كل اللى بتتمناه فيا ومقدرتش احققه السنين اللى فاتت.. دعوة وخلاص
امبارح كان عمرى عشرين.... والنهاردة بقوا واحد وعشرين بالتمام والكمال
وعلى رأى ماما بلغت سن الرشد
الحمد لله كانت سنين حلوة ومعدش عليا فيها شئ سئ يذكر الا موت ناس كانوا غاليين عليا
نفسى بجد فى هدية..... بس مش زى كل الهدايا اللى بتجيلى كل سنة
انا نفسى فى هدية بجد.....دعوة حلوة من كل حد يعدى هنا .... دعوة ليا انى اكون اقرب لربنا وانا ببدأ سنة جديدة من عمرى..... دعوة انى احقق لامى كل اللى بتتمناه فيا ومقدرتش احققه السنين اللى فاتت.. دعوة وخلاص
المهم تكون من القلب
وكل سنة وانا طيبة
10 comments:
في السريع كدة عشان انا متأخر كالعادة
كل سنة وانتي طيبة يا ستي ويارب يارب كل سنة تبقي احسن
لما اجي بقي اقرا البوست تاني
يلا سلام
كل سنه وانتى طيبه يا جوجو ويارب عقبال ما تتمى 80 سنه وانتى اقرب لربنا قادر يا كريم
ويلا بقى ابتديها في رمضان
كل سنه وانتى طيبهعشان رمضان
ورمضان كريييييييييييييم
السلام عليكم
كل سنه و انتي طيبة يا قمر
و يا رب يا رب
طيب بصي بقى مش هقول
هدعي في سري بقى
بس ما تخافيش دعوه حوه قوي و هتبسطك قوي
..............؟؟ ايه عايزة تعرفيها ؟
لا مش هقولك
هههههههههههههه
المهم بالتوفيق دايما يا قمر
تحياتي ليكي
.
زيزي
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
عارفه الاحساس ده
بس تعرفى انتى الوقتى فرحانه بسن 21
اى يوم بعده بجد بيبقى وحش اوى
هى دى اكتر سنه كنت عاوزة فيها هدية برده وكنت عاوزة احس بيوم ميلادى وهى دى السنه اللي سبحان الله مقضيتش فيها يوم ميلادى مع اهلى اصلا لاول مرة ف حياتى
بس خلاص معدتش حاسه باى اعياد او اى حاجة
كل سنة و أنتى طيبة
و عقبال 21 سنة تدوين
كل سنة و انت طيبة
خلصنا
عيد ميلادك وكل سنة وانتي طيبة
حنحتفل بيه اربعين ليلة يعني؟؟؟
المدونة اتملت تراب وعنكبوت يعني لما تقعدي شهر ونص متدونيش يبقي فاتحة الكشك ده ليه بقي؟؟؟؟
اولا رد مخصوص للباشمهندس احمد باشا عيسى
والله ماعارفة اقولك ايه
بجد ميرسى جدا على ذوقك وعلى سؤالك عنى دايما كل مابغيب
وميرسى انك بتطل على الكشك كل فترة تطمن على احواله
بكرة بالظبط اتم شهرين غياب عن المدونة... غياب تدوين وليس غياب متابعة
(وعلى فكرة بقى... ده كان عيد ميلادى انا وانا حرة احتفل بيه انشالله ميت ليلة ... يا ساااتر على الحقد الطبقى)
ملحوظة:- انا كنست المدونة وشلت كل التراب وقتلت كل العناكب اللى كانت فيها بناء على ملحوظة حضرتك
وشكرا ليك مرة تانية
مها.. وينكى..على...د/دياموند..
meekness... ba7re
كل سنة وانتوا بالف خير وربنا يخليكو وميرسى على كل كلمة حلوة طلعت منكو ليا...
ملحوظة:-
وينكى ماقلتليش كل سنة وانتى طيبة.. وانا مسمحاكى يا ستى
وانتى طيبة
Post a Comment