أنا مابخفش وحفضل أقول
كلمة حق عليها مسؤل
إن الريس راجل طيب
وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها ..
...نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين
الراجل ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟
احمد فؤاد نجم
4 comments:
بنت يا جوجو
و هميييييييييه
بجد بجد بجد
لراجل ده فظيع فعلا
على فكره انا مبسوطه قوي تعليقك عندي
و مبسوطه قوي انك معايا و فكراني
مونساني كمان على الفيس بوك يا قمر
ادعيلي بقا
زيزي
رائعة بجد
هههههههههههههههههه
بقى كده
يا ربي
دا احنا طلعنا ظلمه ومابنفهمش صحيح
سبحانك ربي اني كنت من الظالمين
---------
جامده يا جوجو و بجد شكرا
نورتي المحكمه بالبوست ده
:)
????
فينك
Post a Comment