هوا انا ليه صدقت قوى كده اننا واحد
هوا انا ليه عشت كل كلمة قولتهالى
هوا انا ليه امنت لك قوى كده
فاكر زمان لما قولتلك انى بخاف
انت اللى طمنتنى
انت اللى قولتلى ان الدنيا فبها خير
وقولتلى ان ممكن يبقى فيه امان
قولتلى انك غير كل الناس
انا كنت بخاف حتى اجرب ..حتى اقرب
بخاف منكو
طمنتنى .. طمعتنى
طلعتنى فوق السما احلامك
ليه سحبت ايدك من ايدى
ليه طلعت زيهم
ليه سبتنى اقع وانت عارف انى هتكسر
ده انت كمان اللى زقتنى عشان اقع
كنت قاصد تكسرنى؟!!! انت
ماكنتش عارفة اصدق ويمكن لسه مش عارفة
بس الاكيد ان الخوف اللى فكرته مات وادفن
صحى تانى يشمت فيا ويقولى سيبتينى ليه
انا كنت امانك وحمايتك
مش كنت بحافظ عليكى وسيبتبنى
تستاهلى
مرحبا بك مرة اخرى فى حياتى
اهلا بعودتك
اعاهدك انى لن اتخلى عنك ابدا
خوفى.... عذرا سامحنى انى تركتك يوما ما
معا سنحيا مجددا
لن نأمن مرة اخرى
لن ننخدع مرة اخرى
ولن ننفصل مرة اخرى
No comments:
Post a Comment