حواديت وبتتعاد لقصص قديمة وعاشها
بيكرر .. وبيقرر انه تانى يعيشها

مش هيفهم ازاى بتوجع قوى .... كل كلمة بتتعاد منه
كل غنوة سمعتها من زمان على حد تانى
كل حاجة حلوة كتبها فى يوم لحد تانى
كل تفاصيله اللى فاتت بموت ووجع ...
على حد تانى

هيا بس حاجة بتوجع من جوه
ماتبقاش عارف سببها ولا فاهم هيا بتوجع ليه
حاجة تخليك مش عارف حتى تبتسم
حاجة اول ما تقرر تحكى مع حد وتفضفض ماتلاقيش حاجة تتقال فتسكت
حاجة تخليك تضحك قدامهم عشان لو بكيت وسألوا مالك مش هتلاقى رد
حاجة بتوجع ...... قوى