قريت كلام النهاردة بجد مفيش حاجة شبهى قوى قده

بيقولو انها اغنية بس انا ماسمعتهاش انا قريت الكلام بس

مش عارفة لقيتنى وقفت قدامه.. افتكرت حاجات كتير قوى كنت دفنتها خلاص

اتوجعت قوى

افتكرت قوى لما كنت بقول حرام بلاش ابقى انا والدنيا وحشين

وافتكرت لما وقفت قدامى قولت انك ضايع ومش حاسس الفرح وخليكى جنبى وحياتنا هتبقى احلى

افتكرت لما قولتلى معاكى بحس بالامان مع ان المفروض انتى اللى تقوليهالى

وافتكرت وقفتى لوحدى قدام الناس ادافع عنك وانت فى ضهرى... وفجأة مابقتش فى ضهرى

افتكرت لما خذلت نفسى لما راهنت عليك قصاد كل اللى قاللى انتى بتحلمى

قالو مستحيل تاخدى حد من وسط الوحل تعيشيه فى السما.. مسيره هيحن للى كان فيه

بس انت قولت لأ ... معاكى ببقى نضيف وبحب ابقى انتى وزيك

خذلتنى

بجد كنت ارتحت من الضغط ده لحد ما قريت الكلام ده... ده انا 

جربت في مرة تقرب من انسان مجروح ضايع مهزوم محروم من طعم الفرح

 ساعة ما اتألم اتكلم بحلاوة روح ...راجع مجروح مش قادر يهرب من الجرح

اطمن حسن بدفي في عنيك.. حبيته لقيته في حضنك طفل برئ طيبت جراحه اديته عيد
اديته مشاعرك مشيته طريق

عرفته اذي من تاني الفرح يسكن مطرح كل الاحزان ..وزرعت أمان

 ولقيت الطرح فجأة بيدبل علي ايد انسان

 جربت يخونك ويسيبك في السكة حزين مش طايق حتي يحس بجرحك

 جربت عيونك تناديله وتستنجد بيه فجأة لقيته واقف يضحك ايوه بيضحك
حنيت لمكان كان دايما يجمع بينكوا ولقيته بيخونك فيه ..

جربت تواجه واحد بخيانته هزمك جبروت في عنيه
كان نفسك تصرخ في العالم ملقتش في قلبك صوت

 ضحيت بحياتك والظالم بيجرب فيك الموت
( جربت تمـــــــــــــــــــــوت