اوقات كتير بيضيع مننا اوقات
اوقات بيضيع مننا حاجات عشان نحس بحاجات
واوقات ربنا بيحطنا فى مواقف غريبة وجديدة علينا بنعرف بيها حاجات كتير ماكناش نعرفها عن نفسنا
وانا للحظة حسيت انى فقدت كل حاجة
للحظة بقيت باصة للحياة نظرة غريبة قوى عليا
عمرى ما حبيت اللى بيفكرو كده
ولا تخيلت انى ابقى منهم
للحظة شفت الناس الكتييييييير قوى اللى معايا مش موجودين
للحظة نسيت قيمتهم الحقيقية
للحظة بصيت على حياة وحشة مش بتاعتى
بعيون مش عيونى
خفت قوى ... وضعفت قوى
ربنا بعتلى رسالة .. مرض وابتلاء
كان لازم اتعب قوى عشان احس قوى
وعرفت .. عرفت ولسه بعرف ان فى حاجات احلى من اللى ضاع
وان فى حاجات عندى وضاعت من ناس كتير وبيتمنوها
ولو ماعرفتش قيمتها دلوقتى وحافظت عليها ممكن تضيع منى
طول عمرى بقول ربنا كريم قوى
سبحانك يارب .. حتى فى المحن كرييييييييم قوى :)
No comments:
Post a Comment